Poslovne vijesti - Makedonija

Потпишан договорот за двокатните кинески автобуси

Со двокатните автобуси во ретро стил министерот Јанакиески ќе го враќа стариот дух на Скопје од педесеттите години на минатиот век - зделката со Кинезите е потпишана.

Првите двокатни автобуси треба да стасаат во октомври идната година.

Се набавуваат 202 двокатани автобуси за сума од околу 40 милиони евра. Но дали владината желба автобусите да бидат уникатни и во ретро стил ја зголеми сумата што ќе се потроши за набавка на автобусите - менаџментот на кинеската компанија одби да одговори, но кажа дека не го познава бизнисменот Орце Камчев, кој според некои политички партии стоеше зад зделката меѓу Владата и Кинезите.

„Се надеваме дека многу скоро македонските граѓани ќе можат да уживаат во автобусите на нашата компанија, кои се изработени по најсовремена технологија“, рече Гунгмин Занг, генерален директор во Јутонг и одговорен за пазарите во Европа и Северна Америка.